Duudlaga Flow буюу Монгол яриаг бичвэрт хөрвүүлэгч программ маань iPhone дээр татах боломжтой боллоо

Одоо iPhone дээр

Duudlaga Flow одоо iPhone дээр гарлаа. App Store-оос татах боломжтой. Монгол хэлээр ярьснаа шууд бичвэр болгоно. Шивэх завгүй үед зүгээр л хэлээд бичүүлнэ.

Duudlaga Flow өмнө нь macOS болон Windows дээр ажилладаг байсан. Одоо компьютерын ард суухгүйгээр утсан дээрээ ашиглаж болно. Аппын бүх цэс, тохиргоо Монгол хэлээрээ.

Ажлын чатад хариу бичих, Messenger-ээр урт зурвас явуулах, и-мэйл бичих үед гар дээр удаан шивэх шаардлагагүй. Хурлын дараах тэмдэглэлээ цэгцлэхдээ ч ярьж болно. Жолоо барьж яваад санаанд орсон зүйлээ дараа нь мартахгүйн тулд дуугаар тэмдэглэхэд бас тохиромжтой.

Аппыг ашиглах хоёр арга бий. Duudlaga Keyboard-аар бусад апп дотор шууд бичиж болно. Эсвэл Duudlaga Flow дотроо тусдаа дуут тэмдэглэл хөтөлнө.

Ямар ч апп дотор дуугаараа бичээрэй

Duudlaga Keyboard бол iPhone-д нэмдэг системийн гар. Нэг удаа тохируулсны дараа бичих талбар байгаа ямар ч апп дээр ашиглаж болно. Таны хэлсэн үг курсор байгаа газарт шууд бичигдэнэ.

Messages, Mail, Messenger болон бусад сошиал апп дээр зурвас бичиж болно. Notes дотор тэмдэглэл хөтөлж, браузерын хайлтын хэсэгт асуултаа хэлж оруулж болно. Ажлын чатад товч хариу өгөхөөс эхлээд урт и-мэйл бичих хүртэл нэг л гараа ашиглана.

Энэ нь тусдаа цонхонд ярьж, гарсан бичвэрээ хуулж тавьдаг арга биш. Та бичиж байгаа апп дотроо үлдэнэ. Курсороо хэрэгтэй газраа тавиад, Duudlaga Keyboard руу шилжиж, ярихад хангалттай.

Duudlaga Keyboard-ыг гурван алхмаар тохируулна

Гарыг анх суулгахдаа iOS-ийн тохиргоонд нэг удаа нэмнэ. Дараа нь бусад апп дотор шууд ашиглахад бэлэн болно.

1. iPhone-ийн Settings рүү орж, Duudlaga Flow гарыг нэмнэ.
2. Allow Full Access-ийг асаана. Энэ зөвшөөрөл нь таны хэлсэн аудиог бичвэр болгоход хэрэгтэй.
3. Дурын аппын бичих хэсгийг нээгээд, бөмбөрцөг товчоор Duudlaga Keyboard руу нэг удаа шилжинэ.

Үүнээс хойш зурвас, чат, и-мэйл бүр дээр дахин тохируулах шаардлагагүй. Бөмбөрцөг товчийг дараад Duudlaga Keyboard-аа сонгоно. Дараа нь хэлэх зүйлээ ердийнхөөрөө ярина.

Хэлснээ ямар хэлбэрээр бичүүлэхээ сонгоно

Заримдаа яг хэлснээрээ бичүүлэх хэрэгтэй байдаг. Заримдаа латин үсгээр бичих, эсвэл Монгол, Англи үг хольж хэлснээ цэгцтэй Монгол кирилл болгох шаардлага гарна. Duudlaga Keyboard дээр үүнийг гурван хэлбэрээс сонгож болно.

• Энгийн нь таны хэлснийг хэлсэн хэвээр нь бичнэ.
• Латин үсэг нь яриаг латин үсгээр гаргана.
• Монголоор нь Англи үг орсон эсвэл хэл хольж ярьсан өгүүлбэрийг ойлгомжтой Монгол кирилл бичвэр болгоод оруулна.

Жишээ нь ажлын чатад нэр томьёо хольж ярьдаг бол Монголоор хэлбэрийг сонгож болно. Харин хүний нэр, тоо, өгүүлбэрээ яг хэлсэн дарааллаар нь авахыг хүсвэл Энгийн хэлбэр илүү тохирно. Хэрэгтэй үедээ хэлбэрээ солиод үргэлжлүүлэн ярьж болно.

Апп дотроо дуут тэмдэглэл хөтөлнө

Бусад апп руу бичих шаардлагагүй үед Duudlaga Flow дотроо шууд тэмдэглэл үүсгэж болно. Товчоо дараад ярьмагц таны яриа цэвэр бичвэр болж орно. Гарсан бичвэрээ уншиж, хэрэгтэй хэсгээ засна.

Засаж байхдаа курсороо дурын хэсэгт тавиад дахин ярьж үргэлжлүүлж болно. Ингэснээр эхнээс нь дахин бичихгүйгээр дунд нь өгүүлбэр нэмэх, төгсгөлд нь санаагаа гүйцээх боломжтой. Хурлын дараах гол зүйлс, хийх ажлын жагсаалт, замд төрсөн санаагаа ингэж нэг дор хадгална.

Бүх тэмдэглэл нэг жагсаалтад харагдана. Дараа нь хэрэгтэй зүйлээ хайлтаар олж болно. Олон чат, файл дундаас хаана бичсэнээ санах шаардлагагүй.

Өмнө бичсэн зүйл болон сарын хэрэглээгээ харна

Түүх хэсэгт өмнөх бичүүлсэн зүйлс хадгалагдана. Өчигдөр явуулсан зурвас, өмнөх хурлын тэмдэглэл, саяхан хэлж бичүүлсэн санаагаа эндээс эргэж харж болно. Хэрэгтэй бичвэрээ дахин олоход амар.

Мөн энэ сард хэдэн үг ашигласнаа Түүх хэсгээс харна. Ингэснээр сарын хэрэглээ тань ямар байгааг нэг дороос мэдэж болно. Төлөвлөгөөнийхөө хязгаарыг хянахад ч хэрэгтэй.

Нэг бүртгэлээр утас, компьютер дээрээ ашиглана

Duudlaga Flow-д Apple, Google эсвэл и-мэйлээр нэвтэрч болно. iPhone дээр ашигласан бүртгэлээ macOS болон Windows дээр мөн ашиглана. Ажил дээрээ компьютерээс, гадуур явахдаа утаснаасаа ороход тусдаа бүртгэл нээхгүй.

Апп нь iOS 17.0 болон түүнээс шинэ хувилбар шаарддаг. iPhone дээр ажиллахаас гадна iPad дээр мөн ашиглаж болно. Суулгахаасаа өмнө утасныхаа iOS хувилбарыг шалгаарай.

Үнэгүй төлөвлөгөөгөөр эхэлж ашиглах боломжтой. Илүү өндөр хэрэглээний хязгаар хэрэгтэй бол апп дотроос Pro захиалга сонгож болно. Аль төлөвлөгөө тохирохоо өөрийн хэрэглээгээр шийдээрэй.

Тохиргоо болон нууцлал

Тохиргоо хэсгээс аппыг өөрийнхөөрөө ашиглах сонголтуудаа удирдана. Цэс бүр Монгол хэлээр байгаа тул хэрэгтэй зүйлээ шууд олж болно.

• Интерфэйсийн хэл
• Автомат цэг, тэмдэг
• Дууны хариу
• Нууцлалын горим
• Keyboard-ын төлөв
• Захиалга
• Санал хүсэлт илгээх холбоос

Яриаг бичвэр болгохын тулд аудио сервер рүү илгээгдэнэ. Бичвэр болгож дууссаны дараа анхны дуу бичлэг сервер дээр хадгалагдахгүй. Хадгалсан контент шифрлэгдэнэ.

Duudlaga Flow-г App Store-оос татаад, эхлээд богино тэмдэглэл ярьж үзээрэй. Дараа нь Keyboard-аа нэмээд өдөр тутам бичдэг зурвас, чат, и-мэйл дээрээ ашиглаж болно.